Día 5

Ola de novo a todos.
Onte tivemos xuntanza. Xa queda menos, nun par de semanas xa será o marathón e as cousas este ano van bastante ben, a verdade. A idea que vos comentei a semana pasada sobre a exposición de fotos está tomando un cariz bastante bo e é un dos anos nos que máis xente se está implicando con nós.
Eu, persoalmente estou moi contento. Máis para diante, seguramente tralo Marathón, subirei un video coa maior cantidade de fotos das que dispoña, para que poidades velo nas vosas casas e ensinarllo ás persoas maiores xa que é moi curioso ver como se van lembrando das caras e se ilusionan ao rememorar tempos pasados.
Continuando coa labor propia do Marathón, xa contamos con varios patrocinadores máis que irei engadindo pouco a pouco, e esta fin de semana acudiremos a comprar xa os trofeos deste ano! Tamén este ano contaremos co patrocinio do Concello de Pontevedra, que vai donar dous trofeos, como en anos anteriores.
Coca Cola tamén participará este ano connosco a través dunha rebaixa no prezo das bebidas.
Deixovos unha foto destas da exposición para que comparedes como era antes e como é agora. Se non o coñecedes a día de hoxe, anímovos a que o fagades!

Campo da festa de Marcón (Pontevedra)

Ben, creo que por hoxe nada máis... voltarei escribir a semana próxima asique non esquezades pasarvos!
Lembrade que vos esperamos en Pintos (Marcón) cos brazos abertos.

Día 4

Ola de novo.
Onte tivemos nova reunión do Marathón. Recibimos cartos de venda de rifas e de patrocinadores, e seguimos na busca de máis que desexen unirse ó noso listado.

Tamén acordamos que, no día do marathón, faremos unha exposición de fotos antigas que nos vai proporcionar Basi Villaverde (fillo do iniciador do marathón hai 26 anos) e na cal poderemos ver fotos, tanto de antigos marathóns, como de fitos en épocas pasadas de Pintos, traballos tradicionais e fotos de familia. Con esta iniciativa, pretendemos animar a aqueles que teñades fotos antigas e que vos interese formar parte deste proxecto, a enviárnolas escaneadas a marathonpopulardepintos@gmail.com ou ben, traelas o día do marathón e falar con alguén de nós.

Avisar tamén que seguramente organicemos unha cea, para quen desexe apuntarse, o venres 26 ou sábado 27 de agosto no mesón O Catavento, como fixemos o ano pasado. O prezo rondará algo menos de 20€. Pode anotarse quen desexe, ben póndose en contacto con alguén de nós, ben a través do correo electrónico marathonpopulardepintos@gmail.com ou ben no propio día do Marathón.

Sen máis, convocamos nova reunión o próximo martes 26 de xullo para seguir concretando.
Apertas a todos e lembrade participar!

Día 3

Isto avanza e non para. Tivemos hoxe (por onte, 13/7/11) a nosa terceira reunión de equipa.
Logramos pornos en contacto co noso proveedor habitual de trofeos e xa estamos á espera dunha resposta para que nolos envíe.
No día de mañá, Fran e eu mesmo imos acoder a varias delegacións de patrocinadores para intentarmos conseguir algo máis neste ano que está difícil para moitos dos vellos patrocinadores, dada a situación económica actual.
En principio, informar que xa podedes contactar con nós para a compra de rifas, xa que xa están á venda (imos ter, como mínimo, 2 xamóns a sortear, ademáis do resto de cousas habituais). Contribuíde con 50cénts por rifa!
Tamén comezamos coa pega de carteis deste ano.

Esperamos sinceiramente que este blog que nos animamos a realizar este ano, poida servirvos para ir coñecendo o traballo que se leva a cabo tras este Marathón de Pintos e o importante que é para nós que todo saia ben.

Detrás estamos un equipo xoven e con ganas de facer un bo traballo.

Unha aperta a todos.

O próximo martes, máis!
(publicado 13/7/11)




NOTA (engadida o 15/7/11):
O CARTEL DO ANO 2011 É O SEGUINTE. PODÉDELO AMPLIAR CLICKANDO SOBRE EL.

Día 2

Ben, hoxe tivemos a segunda reunión. Non puidemos chegar a acordos concretos máis que seguir traballando no que falaramos posto que inda é moi cedo e temos pouco confirmado. Andamos á espera de patrocinadores, rifas e cartaces para colgar, como cada ano!

Inclúovos algunha foto máis para que vaiades facendo boca

Como a empanada é gratis... PARA COMER SEMPRE HAI XENTE!!

Música en directo ao remate!

Seguimos traballando nelo!

Día 1

Na reunión de hoxe fixamos o día de realización. Será o próximo 13 de agosto en Pintos (Marcón - Pontevedra). Coma sempre, onda o Furancho de Tino.

Decidimos que imos comezar a contactar cos patrocinadores e cos proveedores para darlle xa vida ao marathón deste ano. Xa só quedan 6 semanas... e non é tanto!

Deixovos un aperitivo cun par de imaxes do ano pasado:

Saúde e lembrade difundir o blog! Cantos máis sexamos, mellor!

Comezamos co XXVI Marathón Popular de Pintos'11

Benvidos,

xa estamos aquí, preparándonos un ano máis para comezar con este ilusionante proxecto.
Son moitos os anos que levamos facendo esta carreira popular en Pintos, a cal comezou como unha pequena carreira con 4 veciños e que a día de hoxe temos unha mecánica máis avanzada.


Depositamos moito traballo e moita ilusión neste proxecto porque nos parece moi interesante, unha forma de xuntarmos aos veciños e pasar unha alegre tarde de verán!


Anímovos a que vos pasedes por este blog, que intentarei actualizar o máximo posible para que vaiades comprobando como funcionamos e que vos animedes a participar nesta gran festa!
Estades todos convidados.


E ben, esta tarde imos reunirnos os organizadores para ir comezando co proxecto por vixésimo sexto ano consecutivo.
Unha grande aperta