Día 6: os patrocinadores

Estamos na semana previa xa, e moitos dos nosos patrocinadores están completados (como podedes ver, aumentou a lista situada á esquerda desta entrada). Así e todo, algúns dos nosos patrocinadores non teñen sitio na internet, co cal procuramos conseguir unha tarxeta para que todos poidades ter acceso a eles e chamalos cando precisedes o servizo que proporcionan.
A verdade é que estamos moi orgullosos deles xa que moitos levan grande tempo traballando con nós e outros, anque máis recentes, decidimos acudir a eles porque sabemos que ofertan un servizo de calidade. Sabemolo porque son os nosos lugares de confianza na nosa vida privada, onde acudimos cando o precisamos, por eso mesmo fago esta entrada, para aparte de agradecerlle con moita forza o seu apoio, para animarvos a que confiedes neles porque son xente moi boa e que sabe moi ben o que fai.

Quero tamén, nesta última entrada da semana previa, animarvos a que nos axudedes a difundir esta páxina para que sexamos, cantos máis mellor, nesta pequena comunidade que estamos creando, e que nos levou a superar as 800 visitas no noso primeiro mes de vida. Queremos que a difundades para que o próximo 13 de agosto poidamos pasar unha moi pero que moi agradable tarde e, que o tempo acompañe, dende logo que, segundo os pronósticos a día de hoxe, vai ser así.

Agora vou incluír unha foto que é tradición, xa que tódolos anos a facemos. Nesta concretamente, saímos un pequeno grupo de organizadores. Sen embargo, xa subirei outra na que se nos vexa a todos.

Anda que non choveu nin nada dende esta foto, jaja


Moitas grazas a todos, de veras!