Posteriori

Quero felicitar a toda a organización e a tódolos colaboradores por esta nova edición que realizamos a pasada semana. Estou moi orgulloso do traballo realizado e de como se desenrolou o día. Non teño máis que eloxios para todos os que currastes día tras día e para os nosos patrocinadores, por poñérnolo tan fácil. E por suposto, aos asistentes.
 Foi un bo ano en tódolos sentidos para a Carreira Popular de Pintos.

Vémonos este venres na cea, no Restaurante Cataventos!!

Saúdos e ata pronto :)

COMO CHEGAR

Aquí estamos, un ano máis, neste día previo á Carreira Popular de Pintos. E quero, como non, volver indicarvos por se vos apetece vir e non sabedes, como chegar dende unha zona de Pontevedra moi coñecida, como é o Nó do Pino. Avisarvos que na zona do Marco están en obras, que cambiou algo aquilo, e que vaiades con coidado.

Quero que esta entrada vos sirva de apoio para que saibades chegar dende o nó do Pino ata onde celebraremos a carreira.

 Nesta primeira imaxe indícasevos que tedes que saír dende o nó do Pino en dirección Ponte Caldelas. Por ahí ides pasar por zonas en obras onde se está executando a ampliación do vial Pino-Bora, ides pasar polo Bar Emiliano, pola Casa Cultural de Marcón e, tras pasar esta, debedes estar atentos á dereita e cando vexades unha empresa que se chama GRANITOS PAZOS, xusto ao lado métese unha pista cara arriba, pola que debedes seguir tamén todo recto, como vos indico na segunda imaxe. Haberá tamén algún cartel que previamente colocaremos nós, indicándovos como chegar.

Cun círculo en violeta indicovos que esa é a ubicación de Granitos Pazos e ao lado, en vermello, vedes a pista que sube. Debedes seguir por ahí e cando cheguedes ao círculo azul, ahí é onde se atopa o centro de saída e chegada da carreira. Ahí poderedes inscribirvos e desfrutar da festa. A miña recomendación é que aparquedes un pouco máis abaixo xa que non ides poder pasar co coche.

Para aqueles que dispoñades de GPS, as coordenadas do lugar son as seguintes:

42º 24' 41'' N

08º 36' 00" O

Espero vervos por alí!
Unha aperta moi grande e que saia todo ben!

Non falta nada!!!
Apenas uns días para a vixésimo-sétima edición da Carreira Popular de Pintos. Estamos ultimando os detalles para que todo saia o melllor posible.
Volvo, unha vez máis, a animarvos a que vos animedes a vir a Pintos (subirei o día antes as indicacións para chegar), e tentarei darvos as coordenadas GPS para que as introduzades e ese aparello vos guíe.

Estamos tamén actualizando a nosa lista de patrocinadores deste ano e tamén dispoñemos da entrevista que nos realizaron no Diario de Pontevedra hai uns días, podédela ler aquí nun dos laterais.

Quero vervos alí!!!

Ola guap@s!!
Estamos a 27 de xullo e xa falta menos para a Carreira popular deste ano!! Como ben sabedes, este ano realizarémola o día 11 de agosto e alí espero vervos a todos!

Onte tivemos unha reunión o equipo organizador, na que procedemos a repartir os cartaces deste ano e as rifas que debedes mercar para optar aos sorteos (todo doado, como tódolos anos, por Gráficas Anduriña. Moitas grazas!!). E a verdade é que este ano os cartaces, que despois subirei unha imaxe para que os vexades, quedaron chulísimos!!

Pois si, os nosos membros xa teñen no seu poder as rifas... bulide para mercalas!! Os sorteos deste ano, a pesares da famosa crise, non vos van defraudar xa que manteremos o nivel doutros anos e tentaremos incluso melloralo!!

Tamén nos próximos días comezaremos as conversas coas casas patrocinadoras, que cada ano nos obsequian con agasallos e doazóns. Agradecémoslles xa de antemán a súa colaboración e instámosvos a consumir nos seus respectivos negocios, que iremos colgando aquí na web para que saibades quenes son, porque a verdade, son empresas de total confianza e con moito tempo de traxectoria.

Por último, comentarvos que nos próximos días tamén comezaremos coas compras de todo o necesario para a celebración deste ano. Lembrade que podedes contactar con nós nos links desta mesma páxina e en marathonpopulardepintos@gmail.com

Apertas amig@s!!

Fotos da XXVI Carreira Popular de Pintos

Se queredes ver as fotos da pasada edición, clicade na 1ª. Logo, enviaravos a outra páxina. Teredes que ir desplazándovos nas fotos coas flechiñas do teclado.

NOTA: SE QUEREDES AS FOTOS, PEDÍDEMAS NO MAIL marathonpopulardepintos@gmail.com porque seguramente non se poidan descargar dende onde accededes!!

 

Lembrade que, se seguides lendo, atoparedes a 1ª entrada desta edición algo máis abaixo.

XXVII CARREIRA POPULAR DE PINTOS: SÁBADO 11 DE AGOSTO 2012

Ola de novo!!
Aquí estamos para dar a saída...

Foto: Jorge Rodríguez Ampudia

Vale vale, non só me refería a esta saída... tamén me refiro á saída da, vouno dicir ben alto por se alguén non me escoita, porque é un dato moi importante: VIXÉSIMO SÉTIMA EDICIÓN DA CARREIRA POPULAR DE PINTOS!!
Fua... vinta e sete anos con esta carreira... parece que foi onte... e iso que eu inda non nacera!! :)

A verdade é que estamos moi ilusionados con este novo ano e queremos organizar unha carreira popular boa e facer esquecer á xente, a lo menos por unha tarde, deses problemas que cada día máis sufrimos. E como non, unha xornada de convivencia veciñal na que todos nos divirtamos, botemos unhas carreiras, comamos unha pouca empanada e participemos nos sorteos porque, quen sabe... e se toca?

De momento, só podemos dicirvos que esta edición se realizará o próximo SÁBADO 11 DE AGOSTO DE 2012 !!

Conto con vervos alí e, mentres tanto, que me vaiades lendo por aquí, que algo vos irei contando.
Apertas a todos!!